Uttar Pradesh : 45 લિટરની ટાંકી અને ભર્યુ 52 લિટર પેટ્રોલ! પેટ્રોલ પંપ પર કાર ચાલકને બનાવ્યા ઉલ્લું!

પેટ્રોલ પંપ પર ગ્રાહકો સાથે થતી છેતરપિંડીના કિસ્સાઓ અવારનવાર સામે આવતા હોય છે, પરંતુ કાનપુરનો એક મામલો હાલમાં ભારે ચર્ચાનો વિષય બન્યો છે. અહીં એક કાર માલિકે આરોપ લગાવ્યો છે કે તેમની ૪૫ લિટરની ટાંકી ધરાવતી કારમાં પેટ્રોલ પંપ દ્વારા ૫૨ લિટર પેટ્રોલ ભરવામાં આવ્યું હતું. સૌથી આશ્ચર્યની વાત એ છે કે, કાર રિફિલ કરાવતા પહેલા પણ તેમાં 2 થી 3 લિટર પેટ્રોલ પહેલેથી જ બાકી હતું. તપાસમાં વિલંબ અને શંકા આ સમગ્ર મામલે ગંભીરતા ત્યારે વધી જ્યારે ફરિયાદીએ જિલ્લા પુરવઠા વિભાગને ફરિયાદ નોંધાવી, પરંતુ અધિકારીઓ તાત્કાલિક સ્થળ પર પહોંચ્યા ન હતા. ફરિયાદીનો આક્ષેપ છે કે શનિવારે ફરિયાદ કર્યા છતાં, અધિકારીઓ સોમવારે એટલે કે દોઢ દિવસ પછી તપાસ માટે પહોંચ્યા હતા. આ વિલંબને કારણે પેટ્રોલ પંપ સંચાલકોને મશીનોમાં રહેલી કથિત ખામીઓ સુધારી લેવાનો પૂરતો સમય મળી ગયો હોવાની આશંકા વ્યક્ત કરવામાં આવી રહી છે. પરિણામે, સ્થાનિક અધિકારીઓ અને પેટ્રોલ પંપ વચ્ચે મિલીભગત હોવાની ચર્ચાઓ પણ જોર પકડી રહી છે. તકનીકી વિરોધાભાસ જ્યારે વહીવટી ટીમે તપાસ કરી ત્યારે મશીનો કાર્યરત જોવા મળ્યા હતા. ડીએસઓ રાકેશ કુમારના મતે, કારના મેન્યુઅલ મુજબ ટાંકીમાં નિર્દિષ્ટ ક્ષમતા કરતા થોડું વધારે ઇંધણ સમાઈ શકે છે, પરંતુ ૪૫ લિટરની ટાંકીમાં ૫૨ લિટર પેટ્રોલનો આંકડો ઘણો વધારે છે. ફોક્સવેગન કંપનીના નિષ્ણાતોનું પણ માનવું છે કે આ મોડેલની કારમાં આટલી મોટી માત્રામાં પેટ્રોલ જવું અશક્ય છે. ટેકનિશિયનોના મતે, વધારાની ક્ષમતા મહત્તમ ૪ થી ૫ લિટર હોઈ શકે છે, જે 9-10 લિટરના તફાવતને ન્યાયી ઠેરવતું નથી. પેટ્રોલ પંપ પર થતી છેતરપિંડીનો સામાન્ય જનતા ભોગ ભલે સરકારી તપાસમાં મશીનો સાચા સાબિત થયા હોય, પરંતુ ગણિત અને તર્ક આ આંકડાઓને સ્વીકારતા નથી. એક તરફ ગ્રાહક પોતાની સાથે થયેલી અન્યાયની રજૂઆત કરી રહ્યો છે, તો બીજી તરફ વહીવટીતંત્રની મોડી કાર્યવાહી આ કેસને વધુ ગૂંચવી રહી છે. આ ઘટનાએ સામાન્ય ગ્રાહકોમાં પેટ્રોલ પંપો પર થતી આવી છેતરપિંડીઓ સામે જાગૃતિ લાવવાની જરૂરિયાત પર ફરી ભાર મૂક્યો છે. તપાસના નામે હાથ ધરવામાં આવેલી આ કાર્યવાહી પ્રશ્નોના જવાબ આપવાને બદલે વધુ શંકાઓ જન્માવી ગઈ છે.આ પણ વાંચોઃ Switzerland થી ભારતમાં આવ્યો 1.5 લાખ રૂપિયાનો મેમો, જાણો કેમ?