WTC Points Table : બાંગ્લાદેશની જીતથી ટીમ ઈન્ડિયાને લાગ્યો મોટો ઝટકો!

તમે કદાચ આ વાક્ય સાંભળ્યું હશે એક કાંકરે બે પક્ષી બાંગ્લાદેશની ટેસ્ટ ટીમે આવું જ કર્યું છે,જેનો તેમને ICC વર્લ્ડ ટેસ્ટ ચેમ્પિયનશિપ પોઈન્ટ ટેબલમાં ફાયદો થયો છે.બાંગ્લાદેશે ઘરઆંગણે રમાયેલી બે ટેસ્ટ સીરિઝમાં પાકિસ્તાનને માત્ર વ્હાઇટવોશ જ નહીં,પણ ટીમ ઈન્ડિયાને પણ નુકસાન પહોંચાડ્યું છે.ભારતીય ટીમ સામેની આ હારથી તેઓ વર્લ્ડ ટેસ્ટ ચેમ્પિયનશિપ પોઈન્ટ ટેબલમાં નીચે ધકેલાઈ ગયા છે. બાંગ્લાદેશની જીતથી ભારત છઠ્ઠા સ્થાને પહોંચી પાકિસ્તાન પર બાંગ્લાદેશની જીત બાદ, ટીમ ઈન્ડિયા છઠ્ઠા સ્થાને પહોંચી ગઈ છે. આ ચક્રમાં અત્યાર સુધી રમાયેલી 9 ટેસ્ટમાં 4 જીત, 4 હાર અને 1 ડ્રો બાદ ભારતીય ટીમનો સ્કોર 48.15 PCT છે. પાકિસ્તાનને હરાવ્યા બાદ, બાંગ્લાદેશ 4 ટેસ્ટમાં 2 જીત, 1 હાર અને 1 ડ્રો બાદ 58.33 PCT સાથે પાંચમા સ્થાને પહોંચી ગયું છે.શુભમન ગિલની કેપ્ટનશીપ હેઠળની ટીમ ઈન્ડિયા અફઘાનિસ્તાન સામે એક ટેસ્ટ રમવાની છે. જોકે, આ WTCનો ભાગ રહેશે નહીં. આવી સ્થિતિમાં, ભારત પાસે શ્રીલંકા પ્રવાસ પર રમાનારી બે ટેસ્ટ મેચની સીરિઝ જીતીને WTC પોઈન્ટ ટેબલમાં પોતાનું સ્થાન સુધારવાની તક હશે. ભારત સહિત 4 ટીમથી બાંગ્લાદેશ આગળ બે ટેસ્ટ મેચની શ્રેણીમાં બાંગ્લાદેશની ક્લીન સ્વીપથી માત્ર પાકિસ્તાન અને ટીમ ઈન્ડિયાને જ ફટકો પડ્યો નથી, પરંતુ તેણે અન્ય બે ટીમો, ઈંગ્લેન્ડ અને વેસ્ટ ઈન્ડિઝને પણ પાછળ છોડી દીધા છે. સરળ શબ્દોમાં કહીએ તો, બાંગ્લાદેશ હવે WTC પોઈન્ટ ટેબલમાં 4 દેશોથી આગળ છે. WTC પોઈન્ટ ટેબલમાં ઓસ્ટ્રેલિયા નંબર 1 ઓસ્ટ્રેલિયા હાલમાં ICC વર્લ્ડ ટેસ્ટ ચેમ્પિયનશિપ 2025-2027 પોઈન્ટ ટેબલમાં 84.50 PCT સાથે નંબર 1 પર છે. ઓસ્ટ્રેલિયા અને બીજા ક્રમે રહેલા ન્યુઝીલેન્ડ વચ્ચે નોંધપાત્ર અંતર છે, જેમની પાસે 77.78 PCT છે. દક્ષિણ આફ્રિકા 75.00 PCT સાથે ત્રીજા સ્થાને છે. શ્રીલંકા ચોથા સ્થાને છે. આ પણ વાંચો - Virat Kohli: કેપ્ટનશીપ છોડવા પર વિરાટ કોહલીનો મોટો ખુલાસો, જણાવ્યું અસલી કારણ!