કેએલ રાહુલે અફઘાનિસ્તાન સામે સદી ફટકારી:કરિયરની 12મી સેન્ચુરી પૂરી કરી; 100 આંકડો અડીને તરત જ બીજા બોલે આઉટ થઈ ગયો

ભારત અને અફઘાનિસ્તાન વચ્ચેની એકમાત્ર ટેસ્ટ મેચ મુલ્લાનપુરના મહારાજા યાદવેન્દ્ર સિંહ સ્ટેડિયમમાં રમાઈ રહી છે. ભારતીય કેપ્ટન શુભમન ગિલે ટૉસ જીતીને બેટિંગ લીધી છે. આજે મેચનો પહેલો દિવસ છે અને ત્રીજો સેશન ચાલુ છે. હાલમાં પહેલી ઇનિંગમાં ટીમ ઈન્ડિયાનો સ્કોર 60.2 ઓવરમાં 247/3 છે. ટીમ તરફથી કેપ્ટન શુભમન ગિલ અને રિષભ પંત ક્રિઝ પર છે. ઓપનર કેએલ રાહુલે કરિયરની 12મી સદી ફટકારી છે. તેણે ઘરઆંગણે ત્રીજી સેન્ચુરી ફટકારી છે. તે સદી પૂરી કર્યા પછી તરત જ આઉટ થઈ ગયો. રાહુલે 165 બોલમાં 100 રનની શાનદાર ઇનિંગ રમી. આ મેચની મુખ્ય વાતો… બન્ને ટીમની પ્લેઇંગ-11 ભારત (IND): કેએલ રાહુલ, યશસ્વી જયસ્વાલ, સાઈ સુદર્શન, શુભમન ગિલ (કેપ્ટન), રિષભ પંત (વિકેટકીપર), ધ્રુવ જુરેલ, વોશિંગ્ટન સુંદર, માનવ સુથાર, કુલદીપ યાદવ, મોહમ્મદ સિરાજ અને પ્રસિદ્ધ ક્રિષ્ના. અફઘાનિસ્તાન (AFG): સેદીકુલ્લાહ અટલ, રહેમાનુલ્લાહ ગુરબાઝ, અબ્દુલ મલિક, રહેમત શાહ, હશમતુલ્લાહ શાહિદી (કેપ્ટન), અફસાર ઝાઝાઈ (વિકેટકીપર), અઝમતુલ્લા ઓમરઝાઈ, શરાફુદ્દીન અશરફ, નાંગેલિયા ખરોટે, ઝિયાઉર રહેમાન શરીફી અને મોહમ્મદ સલીમ સફી.