Stock Market Opening : ખૂલતાની સાથે માર્કેટમાં તેજી, નિફ્ટી 330 અને સેન્સેક્સમાં 1100 પોઈન્ટનો ઉછળ્યો

પશ્ચિમ એશિયામાં શાંતિની આશા અને ક્રૂડ ઓઇલના ભાવમાં ઘટાડાથી આજે વૈશ્વિક બજારોમાં તેજી જોવા મળી છે. આ અસર સ્થાનિક શેરબજાર પર પણ જોવા મળી રહી છે. શરૂઆતના કારોબારમાં BSE સેન્સેક્સ 1,100 પોઈન્ટથી વધુ ઉછળ્યો હતો. નેશનલ સ્ટોક એક્સચેન્જનો નિફ્ટી પણ 350 પોઈન્ટ ઉછળ્યો હતો. સવારે 9:17 વાગ્યે, સેન્સેક્સ 1,040.51 પોઈન્ટ અથવા 1.38% વધીને 76,568.46 પર ટ્રેડ કરી રહ્યો હતો. નિફ્ટી પણ 343.90 પોઈન્ટ અથવા 1.46% વધીને 23,966.80 પર પહોંચ્યો. દરમિયાન, ડોલર સામે રૂપિયો પણ મજબૂત રીતે ખુલ્યો. તે પાછલા સત્રમાં 95.11 પર બંધ થયો હતો અને આજે 94.68 પર ખુલ્યો, જે 8 મે પછીનો તેનો ઉચ્ચતમ સ્તર છે.