Trump Iran Deal: અમેરિકા-ઈરાન ડીલ પર મોટા સમાચાર, યુરેનિયમ આપવા તૈયાર થયું ઈરાન: રિપોર્ટ

લાંબા સમયથી અમેરિકા અને ઈરાન વચ્ચે ન્યુક્લિયર મુદ્દે તણાવ ચાલી રહ્યો હતો. એક મીડિયા રિપોર્ટ મુજબ, અમેરિકન અધિકારીઓએ જણાવ્યું કે ઈરાન યુરેનિયમ સોંપવા માટે સંમત થઈ ગયું છે. બે અમેરિકન અધિકારીઓ અનુસાર, ઈરાન અને યુનાઇટેડ સ્ટેટ વચ્ચે પ્રસ્તાવિત કરારનો એક મહત્વપૂર્ણ ભાગ એ છે કે તેહરાન પોતાના અત્યંત એનરિચ્ડ યુરેનિયમના સ્ટોકને છોડવાનું સ્પષ્ટ વચન આપી રહ્યું છે. ઈરાન સાથે ડીલ થઈ ગઈ, ટ્રમ્પનો મોટો દાવો ડોનાલ્ડ ટ્રમ્પે જણાવ્યું કે ઇઝરાઇલ અને આ વિસ્તારના અન્ય સહયોગીઓ સાથેની ચર્ચા બાદ ઈરાન સાથેનો એક કરાર, જેમાં હોર્મુઝ જળમાર્ગ ખોલવાનો મુદ્દો પણ સામેલ છે, “મોટાભાગે નક્કી થઈ ગયો છે.” સોશિયલ મીડિયા પર માહિતી આપતાં ટ્રમ્પે જણાવ્યું કે કરારના અંતિમ મુદ્દાઓ અને વિગતો પર ચર્ચા ચાલી રહી છે અને તેની જાહેરાત “જલ્દી જ” કરવામાં આવશે. જોકે જાહેરાત ક્યારે થશે તેની વધુ ચોક્કસ માહિતી તેમણે આપી નહોતી. ટ્રમ્પે કહ્યું કે તેમણે ઇઝરાઇલ ઉપરાંત સાઉદી અરેબિયા, યુનાઇટેડ આરબ અમીરાત, કતાર, પાકિસ્તાન, તુર્કી, ઇજિપ્ત, જોર્ડન અને બહેરીનના નેતાઓ સાથે પણ વાતચીત કરી છે. ડોનાલ્ડ ટ્રમ્પની નેતન્યાહુ સાથે પણ વાતચીત થઈ હતી. આ ઘટના એવા અઠવાડિયા પછી સામે આવી છે જ્યારે અમેરિકા ઇરાન પર નવા હુમલાની સંભાવનાઓ પર વિચાર કરી રહ્યું હતું, જેના કારણે નાજુક યુદ્ધવિરામ તૂટી શકે તેવી સ્થિતિ બની હતી. આ ચર્ચામાં ઈરાનના પરમાણુ કાર્યક્રમ અને અત્યંત સંવર્ધિત યુરેનિયમનો કોઈ ઉલ્લેખ કરવામાં આવ્યો નહોતો, કારણ કે ઈરાન આ મુદ્દાઓ પર આગળની ચર્ચા કરવા માંગે છે. ઈરાન અથવા ઇઝરાઇલ તરફથી તરત કોઈ પ્રતિક્રિયા સામે આવી નહોતી. ટ્રમ્પે જણાવ્યું કે તેમની ઇઝરાઇલના વડાપ્રધાન બેન્જામિન નેતન્યાહૂ સાથે પણ વાત થઈ હતી, જે “ખૂબ સારી” રહી. શનિવારે આ પહેલાં, પાકિસ્તાનની મધ્યસ્થતાવાળા પ્રયાસોની જાણકારી ધરાવતા એક પ્રાદેશિક અધિકારીએ જણાવ્યું હતું કે અમેરિકા અને ઈરાન યુદ્ધ સમાપ્ત કરવા માટેના એક કરારની ખૂબ નજીક પહોંચી ગયા છે.