આ મહિનામાં લોન્ચ થશે iPhone 18 Pro અને Pro Max!, જોવા મળશે કેમેરાથી લઇને ડિઝાઇન સુધીની દરેક વસ્તુમાં બદલાવ

એપલ દર વર્ષે સપ્ટેમ્બરમાં તેની નવી iPhone સિરીઝ લોન્ચ કરે છે, પરંતુ આ વર્ષે iPhone 18 Pro અને Pro Max સાથે કંઈક વિશેષ થવા જઈ રહ્યું છે. લીક્સ અને અહેવાલો સૂચવે છે કે આ વખતે એપલ માત્ર પ્રોસેસર જ નહીં, પણ ડિઝાઇન અને કેમેરા ટેકનોલોજીમાં પણ ક્રાંતિકારી ફેરફારો કરવા જઈ રહી છે.ડિઝાઇન અને ડિસ્પ્લેમાં ફેરફાર વર્ષોથી ચાલી આવતી ડાયનેમિક આઇલેન્ડની ડિઝાઇનમાં આ વખતે મોટો ફેરફાર જોવા મળી શકે છે. એપલ ફેસ-આઈડી (FaceID) સેટઅપના કેટલાક ઘટકોને ડિસ્પ્લેની અંદર છુપાવવાની તૈયારી કરી રહ્યું છે. જો આમ થશે, તો યુઝર્સને પંચ-હોલ કેમેરા સાથે વધુ ક્લીન અને મોટી સ્ક્રીનનો અનુભવ મળશે. જોકે, ફોનનો એકંદર આકાર અને ટાઇટેનિયમ ફિનિશ iPhone 17 Pro જેવું જ રહેવાની શક્યતા છે. કેમેરા ટેકનોલોજી: પ્રોટોગ્રાફીનો નવો અનુભવ iPhone 18 Pro મોડેલ્સમાં પહેલીવાર વેરિયેબલ એપરચર ટેકનોલોજી જોવા મળશે. આ ફીચર વ્યાવસાયિક કેમેરા જેવું જ હશે, જે યુઝર્સને પ્રકાશના નિયંત્રણ અને ડેપ્થ ઓફ ફિલ્ડ (બ્લર ઇફેક્ટ) પર વધુ પકડ આપશે. ખાસ કરીને લો-લાઇટ ફોટોગ્રાફીમાં આ સેન્સર જાદુઈ પરિણામો આપશે. A20 Pro ચિપસેટ અને પાવરફુલ બેટરી આ ફોનનું હૃદય ગણાતી ચિપમાં મોટો અપગ્રેડ મળશે. TSMC ના 2nm આર્કિટેક્ચર પર બનેલી A20 Pro ચિપ આ ફોનને વિશ્વનો સૌથી ઝડપી સ્માર્ટફોન બનાવશે. આ ચિપસેટ વધુ કાર્યક્ષમ હોવાને કારણે બેટરીની બચત પણ કરશે. બેટરીની વાત કરીએ તો, આ વખતે એપલ 5,100mAh ની ક્ષમતા ધરાવતી બેટરી આપી શકે છે, જે અત્યાર સુધીના કોઈપણ iPhone માં સૌથી મોટી હશે. આ કારણે ફોન થોડો જાડો અને વજનમાં ભારે હોઈ શકે છે. ફોલ્ડેબલ iPhone નું આગમન સૌથી ચોંકાવનારો અહેવાલ એ છે કે એપલ આ વખતે iPhone 18 Pro ની સાથે પોતાનો પહેલો ફોલ્ડેબલ iPhone પણ રજૂ કરી શકે છે. આ એપલના ઈતિહાસમાં એક મોટો વળાંક સાબિત થશે. નોંધનીય છે કે આ સિરીઝનું બેઝ વેરિઅન્ટ (iPhone 18) હવે ફેબ્રુઆરી-માર્ચ 2027 માં લોન્ચ થવાની સંભાવના છે. આ પણ વાંચોઃ અંતરિક્ષમાં ભારતનું વધુ એક શક્તિ પ્રદર્શન, ISRO ને ગગનયાનના બીજા એર ડ્રોપ ટેસ્ટ મિશનમાં મળી સફળતા