Mohali Woman Stabbed: બ્રેકઅપ બાદ સમાધાન ન કરતા ભૂતપૂર્વ પ્રેમીએ યુવતીની કરી હત્યા, પોતે પણ આપઘાતનો કર્યો પ્રયાસ

હત્યા બાદ આરોપીએ પોતાના પર પણ છરીના ઘા મારી આત્મહત્યાનો પ્રયાસ કર્યો હતો. પ્રેમનો કરુણ અંજામ પંજાબના મોહાલીમાં મહિલાની એક તરફી ભૂતપૂર્વ પ્રેમીએ છરીના ઘા મારીને હત્યા કરી હતી. બંને લગભગ છ મહિના પહેલા અલગ થઈ ગયા હતા. આરોપી ફરીથી જોડાવાનો પ્રયાસ કરી રહ્યો હતો. ઓફિસમાં મહિલા પર હુમલો કર્યા પછી, તેણે પોતાને પણ છરી મારી હતી. આ ઘટના સેક્ટર 66 નજીક ફેઝ 11 માં બની હતી. હત્યાના સીસીટીવી ફૂટેજે દેશમાં સૌ કોઇને હચમચાવી નાંખ્યા છે. એક તરફી પ્રેમનુ દબાણ મોહાલીમાં પેકર્સ અને મૂવર્સ કંપનીની ઓફિસ છે. 30 વર્ષીય ડિમ્પલ આ ઓફિસમાં કામ કરતી હતી. પટિયાલાની રહેવાસી ડિમ્પલ તેના કામમાં વ્યસ્ત હતી. પરંતુ તે જ ઓફિસમાં બીજો એક પુરુષ હતો. હરવિંદર માન, જેને હેરી તરીકે પણ ઓળખવામાં આવે છે, જે તેનો ભૂતપૂર્વ જીવનસાથી અને સહકાર્યકર બંને હતો. આરોપ છે કે આરોપીએ તેની પાસે રહેલી છરી કાઢી અને ડિમ્પલ પર વારંવાર હુમલો કર્યો હતો. અને તેની હત્યા કરી હતી. સીસીટીવીમાં ઘટના કેદ બંને વ્યક્તિ લગભગ ત્રણ વર્ષથી સાથે કામ કરી રહ્યા હતા. જોકે, છ મહિના પહેલા આ સંબંધનો અંત આવ્યો. બ્રેકઅપ પછી, હરવિન્દરે વારંવાર ડિમ્પલને સમજાવવાનો અથવા સમાધાન કરવાનો પ્રયાસ કર્યો, પરંતુ ડિમ્પલે સ્પષ્ટપણે પોતાને દૂર કરી દીધી હતી. પરંતુ શુક્રવારે જ્યારે ઓફિસમાં કામ ચાલી રહ્યું હતું ત્યારે હરવિન્દર ત્યાં આવી પહોંચ્યો હતો. બંને વચ્ચે ઝઘડો થયો. થોડીવારમાં જ પરિસ્થિતિ વધુ વણસી ગઈ. જે બન્યું તે સીસીટીવીમાં કેદ થયું હતુ. ઓફિસમાં લોહીલુહાણ દ્રશ્યો અચાનક ઓફિસની અંદર ચીસો પડી ગઈ. લોકો દોડવા લાગ્યા. થોડીવારમાં જ વાતાવરણ ભયાનક બની ગયું. હુમલા પછી, આરોપીએ છરીથી પોતાને ઘા કર્યો અને પોતાનો જીવ લેવાનો પ્રયાસ કર્યો હતો. ઘટનાસ્થળે હાજર લોકોએ તાત્કાલિક પોલીસ અને એમ્બ્યુલન્સ બોલાવી. બંનેને ગંભીર હાલતમાં હોસ્પિટલમાં લઈ જવામાં આવ્યા હતા. પરંતુ ડોક્ટરોએ ડિમ્પલને મૃત જાહેર કરી હતી. આરોપીની હાલત હજુ પણ ગંભીર હોવાનું જાણવા મળ્યું છે. પોલીસ તપાસ શરુ પોલીસે સીસીટીવી ફૂટેજ કબજે કર્યા છે. આ ફૂટેજ હવે તપાસનો મહત્વપૂર્ણ ભાગ માનવામાં આવી રહ્યું છે. શરૂઆતની તપાસમાં આ કેસ ભૂતકાળના સંબંધ, બ્રેકઅપ અને એકતરફી દબાણ સાથે જોડાયેલો હોવાનું જણાય છે. પોલીસ દરેક પાસાની તપાસ કરી રહી છે. આ પણ વાંચોઃ હોર્મુઝ વિવાદ વચ્ચે સાઉદી અરેબિયાએ ભારત માટે નવી શિપિંગ સેવા શરૂ કરી